• ON AIR
  • UP NEXT

निशुल्क स्वास्थ्य शिविरको तयारी अन्तिम चरणमा

news

बैतडी,२१ माघ -
बैतडीको सुर्नया गाउँपालिकामा यही माघ २२ र २३ गते हुने रौलाकेदार निशुल्क स्वास्थ्य शिविरको तयारी अन्तिम चरणमा पुगेको छ । सुर्नया गाउँपालिका, रौलेश्वर पूर्व विद्यार्थी समाज र शुक्रपथ फाउण्डेसन काठमाण्डौंको संयुक्त आयोजनामा हुने निशुल्क स्वास्थ्य शिविरको तयारी अन्तिम चरणमा पुगेको सुर्नया गाउँपालिकाका अध्यक्ष बीरबहादुर बिष्टले जानकारी दिनुभयो । शिविरमा स्वास्थ्य सेवा दिने डाक्टरहरुको टोली आईतवार शिविर सञ्चालन हुने स्थानमा आइपुग्ने भएको छ । शिविरमा जनरल फिजीसयन, स्त्रीरोग सेवा, दन्त सेवा, ल्याब सेवा लगायतका सेवाहरु प्रदान गरिने स्वास्थ्य शिविर संयोजक रीजन मडैले जानकारी दिनुभयो । गरिब नागरिकको स्वास्थ्य सेवामा पहुँच पुर्याउने उद्देश्यले निशुल्क स्वास्थ्य शिविरको आयोजना गरिएको गाउँपालिका अध्यक्ष बिष्टले जानकारी दिनुभयो । उहाँले भन्नुभयो“ शिविरमा सेवा लिनका लागि पुग्ने नागरिकलाई तत्कालै सेवा दिने व्यवस्था मिलाइएको छ” शिविरमा आइ सेवा लिनका लागि समेत गाउँपालिकाले सबैमा आग्रह गरेको छ । शिविरमा माघ २२ गते सेवा लिन चाहने महानुभावले आईतवार नै नामदर्ता गर्नुपर्ने छ । २३ गतेका लागि माघ २२ गते नाम दर्ता गरिने गाउँपालिकाले जनाएको छ । 
यसका साथै आईतवार निशुल्क परिवार नियोजन शिविरको समेत आयोजना गरिएको छ । सन्तानको रहर पुगिसकेका दम्पतीहरुलाई मध्यनजर गर्दै उक्त शिविरको आयोजना गरेका जनाएको छ । 
 

© Copyright 2017 Radio Ninglashaini All Rights Reserved.

Powered By : i-Tech Nepal