• ON AIR
  • UP NEXT

निरन्तर शिक्षा सञ्चालन हुने

news

बैतडी,१३ माघ-
बैतडीमा आगामी फागुन १ गतेदेखि निरन्तर शिक्षा सञ्चालन हुने भएको छ । जिल्लामा रहेका १९ ओटा सामुदायिक सिकाई केन्द्रहरु मार्फत निरन्तर शिक्षा सञ्चालन गर्ने तयारी भएको जिल्ला शिक्षा कार्यालय बैतडीका विद्यालय निरीक्षक शंकरदत्त जोसीले जानकारी दिनुभयो । उहाँले भन्नुभयो“४ महिना सञ्चालन हुने निरन्तर शिक्षा कार्यक्रम अन्तर्गत १९६ कक्षा सञ्चालन गरिनेछन्” यसअघि सञ्चालन भएका साक्षरता कक्षाका माध्यमबाट साक्षर भएका नागरिकलाई पुन जार्गरण गराउने र निरक्षर भएकाहरुलाई साक्षर गराउने उद्देश्य सहित निरन्तर शिक्षा सञ्चालन गरिने विद्यालय निरीक्षक जोशीले जानकारी दिनुभयो । सहजकर्ताहरु मार्फत निरन्तर कक्षा सञ्चालन गरिने बताईएको छ ।  एक कक्षामा १५ जना समावेश गर्ने गरी कक्षा सञ्चालन गरिने जिल्ला शिक्षा कार्यालयले जनाएको छ । 
निरन्तर शिक्षा सञ्चालनले बैतडीलाई निकट भविष्यमै पुर्ण साक्षर जिल्ला घोषणा गर्न सहयोग पुग्ने विश्वास गरिएको छ । 
 

© Copyright 2017 Radio Ninglashaini All Rights Reserved.

Powered By : i-Tech Nepal