• ON AIR
  • UP NEXTसिधा प्रश्न सिधा जवाफ

नेकपा (एमाले) बैतडीका स्थानीय कमिटीहरु पनि नयाँ संरचनाअनुसार पुनर्गठन

news

बैतडी चैत २०,     मुलुक सङ्घीय संरचनामा गएपछि नेकपा (एमाले) बैतडीले आफ्ना पार्टीका स्थानीय कमिटीहरु पनि सोही संरचनाअनुसार पुनर्गठन गरेको छ । बैतडीमा रहेका चार नगरपालिका र छ गाउँपालिकामा रहेका पुराना कमिटीहरु विघटन गरेर नयाँ कमिटीका लागि संयोजक र सहसंयोजक तोकेको एमाले जिल्ला सचिव लिलाधर भट्टले जानकारी दिनुभयो । पार्टीको केन्द्रीय सर्कुलर अनुसार नै अब नयाँ संरचना अनुसार नै कमिटि बनेको हो उहाँले बताउनुभयो । जसअनुसार दशरथचन्द नगरपालिकाको संयोजकमा जंगदेव भट्ट ,सह संयोजक पदमा खत्री ,मेलौली नगरपालिका  संयोजकमा प्रकाश सावद ,सह संयोजक गणेश चन्द , पाटन नगरपालिका संयोजकमा धर्मानन्द भट्ट ,सहसंयोजक दुरा भट्टराई र पुर्चाैडी नगरपालिका संयोजकमा जगी सावद र  सह संयोजकमा अमर धामीलाई तोकेको छ  ।

 
यस्तै दोगडा केदार गाँउपालिका संयोजकमा भरत महरा ,सह संयोजक भक्त बिष्ट, डिलासैनी संयोजक परमल बोहरा ,सह संयोजक जस्मा बोहरा , सुर्नयाको संयोजक मान बहादुर बिष्ट ,सहसंयोजक मोहन बिष्ट लाई तोकेको छ । यसका साथै सिगास गाउँपालिका संयोजक कृष्ण सावद, शिवनाथ संयोजक भरत मडै ,पञ्चेश्वर संयोजकमा जनक चन्दलाई ताकिएको छ ।
 
सिगास, शिवनाथर पञ्चेश्वरमा सहसंयोजक पछी बस्ने पार्टीको बैठकले तोक्ने जिल्ला सचिव भट्टले बताउनुभयो । यसैबीच बैतडी क्षेत्र नं १ का सांसद एवं पूर्व अर्थराज्यमन्त्री दामोदर भण्डारीले स्थानीय तहको निर्वाचन अहिलेको आवश्यकता भएको बताउनुभएको छ । नेकप एमालेले बैतडीको सुर्नया गाउँपालिका वडा नं ६ शंकरपुरको मोतीनगरमा आयोजना गरेको चुनावी भेलालाई सम्बोधन गर्दै भण्डारीले संविधान कार्यान्वयनका लागि पनि चुनाव आवश्यक रहेको धारणा राख्नुभयो ।
 
आफ्नो पार्टी एमालेले मात्रै जनताका आकांक्षा पूरा गर्ने भन्दै स्थानीय तहको निर्वाचनमा भोट दिन उहाँले जनतासंग आग्रह समेत गर्नुभएको छ । एमाले सुरनया गाउँपालिका संयोजक मान बहादुर बिष्टको अध्यक्षतामा भएको कार्यक्रममा एमाले पूर्व जिल्ला अध्यक्ष नरेन्द्र बिष्ट लगायतको सहभागिता रहेको थियो । 
 

© Copyright 2017 Radio Ninglashaini All Rights Reserved.

Powered By : i-Tech Nepal