• ON AIRBahakine Man
  • UP NEXT

क्यालिफोर्नियामा आँधीबेहरी, चार जनाको मृत्यु, लाखौं प्रभावित

news

फागुन ८ – अमेरिकाको क्यालिफोर्नियामा केही वर्षयताकै ठूलो आँधीबेहरीका कारण जनजीवन प्रभावित भएको छ । आँधीबेहरीसँगै ठूलो पानी परेका कारण जनजीवन कष्टकर बनेको छ । बाढीका कारण चार जनाको ज्यान गएको छ । लगातारको वर्षा तथा बाढीका कारण क्यालिफोर्नियाका एक लाख ५० हजार भन्दा धेरै घरमा बिजुलीको आपूर्ति बन्द भएको छ । लस एन्जलस् नजिक पहिरो जान सक्ने जोखिम बढेपछि सयौं घर खाली गरिएको छ । अझै तीब्र गतिको हावा चल्ने, ठूलो वर्षा हुने तथा बाढीको खतरा रहेको मौसमविदले बताएका छन् । 

लस एन्जलस् अन्तर्राष्ट्रिय विमानस्थलबाट हुने तीन सय भन्दा धेरै उडान रद्द भएका छन् । यस्तै मुख्य सडकमार्ग पनि बन्द भएको छ । बाटोमा पानी जमेको छ भने गाडीहरु पानीमा डुबेका छन् । उद्धार तथा राहतको काम भइरहेको सरकारी अधिकारीले बताएका छन् । 

© Copyright 2017 Radio Ninglashaini All Rights Reserved.

Powered By : i-Tech Nepal